नेपाल प्रहरी प्रधान कार्यालय
कार्य विभाग
विमानस्थल समन्वय शाखा
परिचय:
आन्तरिक तथा बाह्य सुरक्षा चुनौती र परिवर्तित आपराधिक कार्यविधिका कारण आन्तरिक तथा अन्तराष्ट्रिय विमानस्थलबाट हुन सक्ने गैरकानूनी कृयाकलापहरूको रोकथाम एवं नियन्त्रण गर्न, भरपर्दो सुरक्षा व्यवस्था मिलाउन तथा विमानस्थलहरुको सुरक्षा सम्बन्धमा आवश्यक समन्वयकारी भूमिका खेल्ने उद्देश्यलका साथ मिति २०७८/०३/१० गतेको मन्त्रिपरिषदको निर्णय वमोजिम र श्री गृह मन्त्रालय (मा. उपप्रधान एवं गृहमन्त्रिस्तर) को मिति २०७८/०३/११ गतेको निर्णय अनुसार कार्य विभाग, कार्य निर्देशनालय अन्तर्गत रहने गरी विमानस्थल समन्वय शाखाको स्थापना भएको हो ।
उद्देश्य:
- आन्तरिक तथा अन्तराष्ट्रिय स्तरको विमानस्थलहरुमा आपराधिक क्रियाकलापहरुमा संलग्न व्यक्तिहरुको निग्रानी राखी आवागमनको नियन्त्रण गर्नु,
- देशभरका आन्तरिक र अन्तराष्ट्रिय विमानस्थलहरुसँग सुरक्षा सम्बन्धमा आवश्यक समन्वय, अनुगमन र सुपरिवेक्षण गर्नु,
विमानस्थल सुरक्षा सम्बद्ध श्रोत साधन, प्रविधि तथा क्षमता अभिवृद्धि कार्यक्रमको पहिचान गरी आवश्यक श्रोत व्यवस्थापन गर्न सरोकारवाला निकाय र तालुक कार्यालयसँग समन्वय गरी शान्ति सु-व्यवस्था दुरूस्त राख्ने तथा अपराध रोकथाम र नियन्त्रण गर्नु ।