नेपाल प्रहरी प्रधान कार्यालय

कार्य विभाग

हातहतियार मर्मत शाखा

परिचय:

नेपाल प्रहरीको सांगठनिक आवश्यकता अनुरुप कानून कार्यान्वयनमा महत्वपूर्ण भुमिका रहने हातहतियारमा देखापर्ने सामान्य देखि जटिल प्रकृतिका समस्या निवारण गर्नको निमित्त प्रहरी संगठनको महत्वपूर्ण अङ्गको रुपमा वि.सं.२०४० सालमा हातहतियार मर्मत केन्द्रको रुपमा यस हातहतियार मर्मत शाखाको स्थापना भएको हो । यस शाखाले सिमित साधन र श्रोतको अधिकतम सदुपयोग गरी संगठनलाई सक्दो योगदान दिंदै आएको छ ।  हाल नेपाल प्रहरी प्रधान कार्यालय, हातहतियार मर्मत शाखा तथा प्रदेश प्रहरी कार्यालय मातहतका हातहतियार मर्मत शाखाहरुबाट समय सापेक्ष बेसाबुद हातहतियार मर्मत तथा पार्ट-पूर्जाहरु उत्पादन एवं हातहतियार मर्मत र सम्भार सम्बन्धी तालिमहरु सञ्चालन गर्नुको साथै संगठनका अन्य महत्वपूर्ण कार्यहरु सम्पादन गर्दै आएको छ ।

उद्देश्य

नेपाल प्रहरीको उद्देश्य बमोजिम समाजमा शान्ति सुरक्षा,अमनचयन, अपराध रोकथाम, नियन्त्रण, अनुसन्धान तथा कानूनको परिपालना गर्ने गराउने कार्यको लागि नेपाल प्रहरीमा रहेका सम्पूर्ण हातहतियार तथा सो संग सम्बन्धीत सम्पूर्ण व्यवस्थित एवं प्रभावकारी कानून संगत तवरबाट मर्मत तथा संभार गरी उद्देश्य प्राप्तिको लागि रचानात्मक भूमिका निर्वाह गर्ने ।