नेपाल प्रहरी प्रधान कार्यालय
कार्य विभाग
केन्द्रीय प्रहरी परिचालन कक्ष
परिचय:
प्रहरीको काम कारवाहीलाई छिटो छरितो र प्रभावकारी बनाउने उद्देश्यले नेपाल प्रहरी प्रधान कार्यालयमा वि.सं.२०४० सालमा प्रहरी नायब उपरीक्षकको कमाण्डमा २१ जनाको दरबन्दी कायम गरी केन्द्रीय परिचालन कक्षको स्थापना भई समय सापेक्ष स्तरोन्नति गरेर थप आधुनिकीकरण तथा प्रभावकारी अभिलेखिकरण गर्ने अभिप्राय अनुरुप विद्युतीय प्रणाली अन्तर्गत अभिलेख व्यवस्थित गर्ने प्रयोजनार्थ मिति २०६७।०२।२६ गतेदेखि Daily Incidents Reporting System (DIRS) प्रणालीको विकास भई DIRS सफ्टवेयरमा घटनाहरु ईन्ट्री गर्ने कार्य सुरुवात गरिएको हो ।
DIRS लाई स्तरोन्नति गरी मिति २०६७।११।०१ गते अमेरिकी सहायक विदेशमन्त्री Mrs. Marina Otero ज्यूबाट कमाण्ड सेन्टरको रुपमा उद्घाटन भई अपराध अनुसन्धान,नियन्त्रण तथा शान्ति सुरक्षा कायम राख्न तत्काल प्रहरी परिचालन,रिपोर्टिङ तथा घटना फलोअपलाई थप व्यवस्थित बनाउन मिति २०८१।०८।३० गतेदेखि प्रदेश तथा उपत्यका समन्वय डेस्क स्थापना गरी दैनिक कार्य सम्पादन गरिँदै आएको छ ।
उद्देश्य:
- अपराध न्यूनिकरण तथा शान्ति सुरक्षा कायम गर्नको लागि द्रुत प्रहरी परिचालन ।
- प्राप्त सुचनाको आधारमा प्रहरी परिचालन,तालुक निकायमा रिपोर्टिङ,जाहेरी तथा प्राप्त निर्देशन कार्यान्वयनको लागि मातहत प्रहरी कार्यालयहरुमा सम्प्रेषण ।
- आवश्यकता अनुरूप समन्वय तथा सहजिकरण गर्ने ।