गौतमबुद्ध अन्तर्राष्ट्रिय विमानस्थल सुरक्षा कार्यालय
भैरहवा, रूपन्देही
परिचय:
लुम्बिनी प्रदेश जिल्ला रुपन्देही सिद्धार्थनगर नगरपालिका वडा नं.०४ भैरहवामा वि.सं. २०२३ फागुन १७ गते बुधबार तत्कालिन श्री ५ युवराजधिराज विरेन्द्र विर विक्रम शाहदेवको बाहुलीबाट “भैरहवा विमानघाट” समुद्घाटन सुसम्पन्न भई आन्तरिक उडान कार्य संचालन भएपश्चात सुरक्षाको आवश्यकता महसुस गरी वि.स.२०३१।०३।१३ गते प्रहरी नायव निरिक्षको कमाण्डमा जम्मा २५ (पच्चीस) जना रहने गरी यस गौतमबुद्ध विमानस्थल सुरक्षा गार्ड भैरहवा रुपन्देही स्थापना भई विमानस्थल सुरक्षा सम्बन्धी काम कारवाही गर्दै आएकोमा नेपाल सरकारले राष्ट्रिय गौरवको आयोजनामा राखी अन्तर्राष्ट्रिय विमानस्थलमा स्तर वृद्धि गर्ने निर्णय भएपश्चात गौतमबुद्ध अन्तर्राष्ट्रिय विमानस्थलको निर्माण कार्य संचालन सँगै उक्त विमानस्थलको सुरक्षा व्यवस्था सम्बन्धमा थप जनशक्ती आवश्यक पर्ने देखिए हुँदा नेपाल सरकार (मन्त्रिपरिषदको) मिति २०७६।०६।०७ गतेको निर्णयले प्रहरी वरिष्ठ उपरिक्षक – १ कमाण्डमा जम्मा १६७ जनाको दरबन्दी कायम भई वि.सु.गार्ड भैरहवाबाट गौतमबुद्ध अन्तर्राष्ट्रिय विमानस्थल सुरक्षा कार्यालय, भैरहवा रूपन्देहीमा स्तर वृद्धि भएको छ । यस कार्यालयमा प्र.व.उ.को कमाण्डमा लागु औषध ब्यूरो, विशेष ब्यूरो, केनाइन (कुकुर) शाखा समेत स्थापना भइ दैनिक सुरक्षा व्यवस्थापन सम्बन्धी कार्यहरू संचालन भई रहेको छ ।
उद्देश्य:
- यात्रु, विमान चालक दल, विमान तथा भौतिक संरचनाहरूको सुरक्षा गर्नु ।
- यात्रुहरू, कर्मचारीहरू र आगन्तुकहरूको सुरक्षाका लागि नियमित निगरानी गर्नु ।
- विपद्, दुर्घटना वा आपतकालीन परिस्थितिमा Quick Respond गर्नु ।
- आगमन तथा प्रस्थान हुने VIP/VVIP तथा यात्रुहरूको सुरक्षा चेकजाँच गर्नु ।
- गैर कानुनी, शंकास्पद वस्तु तथा व्यक्तिहरूको निगरानी तथा नियन्त्रण गर्नु ।
- नागरिक उड्डयन, नेपाली सेना, सशस्त्र प्रहरी बल नेपाल, राष्ट्रिय अनुसन्धान, भन्सार, अध्यागमन र अन्य निकायहरुसँग सहकार्य गर्नु ।
- राष्ट्रिय तथा अन्तर्राष्ट्रिय सुरक्षा मापदण्डहरू पालना गर्नु ।