नेपाल प्रहरी सशस्त्र प्रहरी गण नं.१
नक्साल, काठमाडौं
परिचय:
नेपाल प्रहरीले आफ्नो स्थापना कालदेखि नै देशको आन्तरिक सुरक्षा सुदृढ पार्दै, समाजमा शान्ति, सुव्यवस्था र कानूनको शासन स्थापनार्थ निरन्तर क्रियाशील रहँदै आएको छ । देशको ऐन, कानून बमोजिम प्राप्त जिम्मेवारीहरूको कुशलतापूर्वक निर्वाह गर्दै नेपाल प्रहरी संस्थागत सुदृढता, सेवा प्रभावकारिता र जनविश्वासको दृष्टिकोणले नेपालको एक विशिष्ट, सक्षम तथा सफल सरकारी निकायका रूपमा स्थापित गरिरहेको छ । संगठनात्मक कार्यसम्पादनलाई अझ प्रभावकारी, दक्ष तथा उद्देश्यपरक बनाउने उद्देश्यले नेपाल प्रहरीले समयानुकूल विविध संरचना र विभागहरूको विकास तथा विस्तार गर्दै आउने क्रममा, जनपद प्रहरीको जगेडा शक्तिको रूपमा रही राष्ट्रिय शान्ति, सुरक्षा तथा सुव्यवस्था सुदृढ तुल्याउने र संगठनका दीर्घकालीन लक्ष्य तथा उद्देश्यहरू प्राप्तिमा सहायक हुने लक्षयका साथ नेपाल प्रहरी प्रधान कार्यालयको प्रत्यक्ष मातहतमा रहेने गरि वि.सं. २०२६ साल जेष्ठ २६ गते सशस्त्र प्रहरी गण नं. १ को स्थापना गरिएको हो ।
उद्देश्य:
- नेपाल प्रहरी प्रधान कार्यालयको सुरक्षा ब्यवस्थापन मिलाउने ।
- सुरक्षा कायम गर्ने कार्यमा नेपाल प्रहरीको रिजर्भ जनशक्तिको रुपमा परिचालित हुने ।
- प्राकृतिक प्रकोप र विपद ब्यवस्थापनमा परिचालन हुने ।
- बिभिन्न समारोहमा नेपाल प्रहरीको तर्फबाट प्रदान गरिने सम्मान गारदको व्यवस्थापन र परिचालन गर्ने ।